Déclaration de Naïrobi: MBOKILA YA NAIROBI

[KaNisa]

Déclaration de Naïrobi: MBOKILA YA NAIROBI
République Démocratique du Congo
Déclaration de Naïrobi
Traduite en Kikongo
Par
L'Observatoire des Langues
( Ministère de la Culture et des Arts )
Septembre 2002

MBOKILA YA NAIROBI
Beto bamama ya Congo demokratiki bayina kele na binama ya lukutakanu ya
bana ya Congo bawa na bawu disongidila Luyalu, Kimvuka ya RCD, Bantu ya
politiki yina me ndima Luyalu ve ti Kimvuka ya bantu kesalaka politiki ve,
bayima nyonso me kutana na mbanza Nairobi na insi ya Kenya katuka
kilumbu ya 15 tii kilumbu ya 19 ya ngonda zole ya mvula 2002;
Mutindu beto me zaba na ntina nde beto kele kiteso ya 52% ya bentu yonso
kele na katika ya ntoto ya Congo; beto kele kimvuka mosi ya nene ti ya
kufuana samu na kuvutula, kuvwandisa ngemba ti kutomisa insi na beto;
Na kutalaka bampasi ya kyeleka yina ke katuka na mvita ye yina kebwila
bana nyonso ya Congo;
Na kutalaka bamama, bana, binunu ti bantu kele na byeta bonso bayina kele
na ntanini ve, ti bantu ya ntete ntete ke nataka bampasi ya mvita;

Na kyadi ya nene-nene beto ke mona na ntwala ya bansoki ya imbi yina ke
nakubwila bamama ti bana bandumba, bonso kuta bizumba na kingolo,
kusala kindumba na kingolo, kuzenga maboko, ti makulu, kuvanda,
kukwamisa bumuntu ya bantu, kupesa kimbevo ya Sida ti bimbevo yonso ke
pesamaka na nzila ya nitu na nitu;
Na kumonaka bamvita kesalama na kati ya bantu kele ndinga mosi ve,
kutambula ya bantu mingi na luzolo na bawu ve;
Na kumonaka nkotosolo ya bana fyoti na kingolo na kisoda ti bampasi me
tala mvutukulu na bawu na kati ya mabuta na bawu ti na bisika bake
zingilaka;
Na kumonaka bampasi ya imbi ke katuka na mvita, bampasi yango ke bwila
bantu yina ke tambula na luzolo na bawu ve, bantu me tina insi na bawu,
kubwelama ya bana nsyona ti bayina me butuka na nima ya bizumba ya
kingolo;
Na mutindu beto me zaba luzolo na betu ya nene samu na kutunga ti
kuvwandisa ngemba na Congo;
Na kumonaka nde bamama kele na bainswa, balutumu ti biyeka na ntwala ya
nkangu yonso ya Congo samu bawu kele bamama ya insi;
Na kutalaka mbote mafweni ya kubutukila yina kele na bamama na mambu
me tala mayele ya kuvutula kikundi na mutindu nde beto kele banlundi ya
kinkulu, ya bikalulu ya kisinsi, na mutindu mpi nde beto ke bamama ti
bankento ya makwela;
Na mutindu beto me monisa luzolo na beto ya kundima na ntina mosi
mabanza nyonso yina lendaka kuvutula ngemba ya kufwana ti ya ntangu
nyonso na kati ya Congo demokratiki, ti yina lendaka kupesa maboko na
kutunga dyaka ti kutomisa dyaka insi ya Congo;
Na mutindu beto me sepela na bangolo ya mutindu na mutindu me salama
na bamama ya Congo bawu mosi, na nzila kimvuka ya WOPPA-R.D.C,
bakundi ke sadisaka na ntomosomo ti bayina nyonso ke pesaka lusadisu na
bawu na luzolo yango (Kimvuka ya bamama ya Afrika samu na ngemba ti ya
ntomosomo, bankento ya Afrika ya nsalasami, Kimvuka UNIFEM, binama ya
ONU, bantumwa ya bainsi ya banzenza);
Na mutindu beto me zaba nde bainswa ya bankento kele bainswa ya muntu
ke zingaka;
Na kutalaka mbote ntalu ya fyoti ya bamama na kati ya bimvuka kuna ke
bakamaka balukanu;
Na mutindu beto me zaba nde lukutakanu ya bana ya Congo bawu na bawu
fwete salama kaka;
Beto me bokila na mutindu yayi, bimvuka yonso yina kele na matata na kati
ya Congo, na kuvilakana ve luzolo ya ntima ya bamama ya Congo samu na
ngemba vutuka bonso ya me songama na mbokila yayi ti na manaka ya
kisalu yina kele na nina;
Beto me lomba nde mvita manisa kimakulu ye kukatuka ya binwani ya ba insi
ya nzenza na kati ya ntoto ya Congo;
Beto ke nakulomba luvukanu dyaka ya insi ya Congo ti luzitu ya bumvimba
ya insi ya Congo; beto zola nde basadila mbote-mbote kimfumu ti
bavwandisa binama ya kufwana ya luyalu;
Beto ke lomba nde luwawanu me tala kifu ya kuvengumuna bankento ve,
yina insi ya Congo ndimaka na kusadila yawu fwete vwanda na kati ya mayita
ya nsiku-ngudi ya impa yina ya insi ya Congo ke ndima;
Beto me lomba mpi inswa ya kusadila ntoto ti bimvwama samu na bankento,
bafwete kotisa yawu na bansiku ya nene-nene;
Beto me lomba dyaka nde bisalu ya mbote bonso kikwaku ya 30% yina
lombamaka na manaka ya bisalu ya Beijing bafwete sadila yawu bonso
bisinsu ya luyalu ya mbote ti demokrasiya samu na kutanina mutindu ya
kumonikisa ya mfumu bankento bisika nyonso kuna balukanu ke na
kubakama;
Bimvuka nyonso fwete tala mbote-mbote na kati ya masolo mambu me tala
"bankento";
Beto me lomba basala manaka mosi ya malu-malu samu na kutomisa luzingu
ya bantu, manaka yango fwete kotisa na kati ya bisalu ya yawu bimvuka ya
bamama na bisika nyonso;
Beto ke na kukindisa bantumwa nyonso samu na kulanda mbote mutindu ya
kuvutula dyaka ti ya kusunga basoda ya bana fyoti yina bawu me katula na
kisalu ya kisoda, bansyona, ye ya kusadisa bamama ti bana bandumba
bayina ke na kubwa na bampasi yina beto kutubilaka;
Beto ke na kulomba beno vilakama ve mafweni ya ntete-ntete ya bamama,
ya bana ti ya bimvuka ya bantu ya nkaka yina kele na ntanini ve, beno
vilakana bawu ve na manaka nyonso ba kevwandila na lukutakanu ya
bitumbu fwana bwila bantu nyonso ke sumuka ye nde kifu ya kuta bizumba
na kingolo fwete vwanda bonso kifu ya kufwa Bantu;
Beto me bokila na ngolo nyonso bainsi ya nzenza samu na kuvilakana ve na
kintete Mbokila yayi ti manaka ya bisalu ya bamama ya insi ya Congo na
lusadisu ya bambongo me fwana samu na kudyatisa bisalu yonso
Beto me lomba na bilo ya kimbangi-ntwadisi, yina ba ke na kudyatisu na
mbuta-muntu KETUMILE MASIRE, ya kukotisa na kati ya mikanda ya nsuka
ya lukutakanu ya bana ya Congo bawu na bawu mbokila ya NAIROBI ti
manaka ya bisalu ya
bamama ya Congo
Yamesalama na NAIROBI na kilumbu ya 19 / 02/ 2002.
République Démocratique du Congo
Déclaration de Naïrobi
Traduite en Kikongo
Par
L'Observatoire des Langues
( Ministère de la Culture et des Arts )
Septembre 2002